Gonkongda Hongqi Guoli hashamatli limuzini nimasi bilan qiziq ekanligini ko‘rsatdi

Yangilik, rasmiy ravishda premium sedan sifatida taqdim etilmoqda, u Gonkongda Avtomobil sanoati va ta'minot zanjirlari xalqaro ko'rgazmasida ilk bora namoyish etildi.

Hongqi Guoli o‘lchamlari 5980x2090x1710 mm (uzunlik/eni/balandligi) va g'ildiraklar bazasi 3710 mm, bu avtomobilni uzun bazali Rolls-Royce Phantom bilan o'lcham jihatdan solishtirish mumkin. Ushbu modelning kapoti ostida 4,0 litrli V8 dvigateli mavjud, quvvati 388 ot kuchi va burilish momenti 530 Nm, klassik 8-diapazonli avtomatik transmissiya bilan birga ishlaydi.

Guoli-dan tashqari, Gonkongda Hongqi brendi o‘zining klassik CA770 va CA72 modellarini hamda ulardan biri o‘ngdan boshqariladigan CA770, - bu o‘z zamonida davlat arboblari foydalangan ‘afsonaviy’ avtomobillarni ham namoyish etdi. «Honchi» ekspozitsiyasida futuristik uchuvchi avtomobil kontsepti - Hongqi TianNian NO.1 ham bor edi.

Xitoyning premium markasi vakillari aytishicha, keyingi 5 yil davomida kompaniya bozorda 20 dan ortiq yangi modellari, ularning orasida elektrokarlar, shuningdek, Golden Sunflower seriyasining flagmanlarini namoyish qilishni rejalashtirmoqda. Bu - brendning asosiy xalqaro bozorlarida pozitsiyalarini mustahkamlash uchun qadamlaridan biridir.